| se cpinyctusku |
ni'o mi nelci le nu cpinyctu
| Jay : Lojban : balfi'e : se cpinyctusku |
| 1992;2;21 | curmi ja bilga lo'e selsre |
| 1993;12;26 | u'e cmadi'a nu jamna .i ko paroi cfagau gi'e paroi nondi'a cpacu |
| 1998;5;1 | le nu mi junri le nu mi jmive cu bai dimna mi .i ku'i mi terji'a naja damba |
| 1998;6;11 | ju'o le slabu tadji ze'eca xagrai ca najenai ba ku la'a |
| 1998;6;18 | je'u le'e lijda cu cafne jai mukti le nu jamna .i ku'i fi la'edi'u jimpe .i le'e nu damba cu mukti le nu seljdabi'o |
| 1998;8;23 | le zu'o trukemnuzytro cu tadji le nu le dzena cu cusku le sedu'u makau vajni |
| 1998;9;23 | le nu prije cu xagrai .i ku'i banzu fa le nu mi krecau gi'e se jusyvo'a |
| 1999;11;11 | tu'a lei zbaske so'eroiku la'acu'i fanta lo nu do morsi .i ku'i zy.boi paroiku po'o catra do |
| 2000;1;10 | ma te frica lo kirnoi lo selma'ejda .i le ka sy. ky. zmadu le ni ce'u jai troci |
| 2000;1;23 |
cu'u so'o tcedri nalkansa
le'e xagrai fancu be le ni do junri lo cumki nu ba prami
bei le ni do sutra tu'a cy. cu jdika
.i do ga selvai gi paunai mu'i ma na plipe pe'a tu'i le ckana
.ije do ganai prane selbaicni gi baze'u selxau le nu tavla dunja pe'a
.i ta'i le bazi pavzelpau selskupoi mi facysmi je satci ciksi
le nu ta'i makau do jitro fi tu'a le'i ralci ke jikca simyzunterzu'e
no'u le nu juxre fitxlu ku ce le nu ze'eba nalvaita'a
ni'o la'edi'u je'unai u'isai .i do ga jikstati gi ba'e dagyselcatra pe'a |
| 2000;2;5 |
sei nalseldji samnoi se'u
na'e ba'e sipna ca'o le nu do na'e ba'e citka .i le .ionai drata ke li'orbi'o selpla cu jai nupre le kusru je cizra .i u'e lai po'o cairmanci cfujdikyci'e cu snada ju'o .i ba'unai tu'a lai ciste cu ca'arcfagau le vlipa ke jercrupikta nu sakci pe'a .e le tolcando ke planysle skolafselkei pe'a skeselzba gi'e tepi'obo prane jitro le po do pavyfa'a ni dinselpo'e .e le po do slilu xabjuntydatni ca'o je ja'e le nu do fazycni joi datyju'i gi'enai sanji le zekri .i do vitno selga'i |
| 2000;3;22 |
mi zanji'i fi le ba remymu'e .i mi ciksi fo la'edi'e
.i pamai lo'e citri tumtectcila cu vitno ni'o ko sarji le jibni ke citri vi'orgau girzu gi'e litru loi tarci |
| 2000;3;31 |
sei pa'evli nabmi
le cevni ba'o ta'e spuda lo stace jdacpe .i ku'i ca le nicte le jdanalkri cu jdasku lu pe'u le cevni ko na zasti li'u |
| 2000;4;22 | fu'i fliba .i ri'a ma le nu go'i cu traji le ni gunka |
| 2000;6;25 | mi zasti fu'i .i ku'i .ia gunka fu'inai le nu go'i |
| 2000;7;7 | mi'a mi'ecpe le nu ca'izga je ca'irterfu'e jeke satci ca'itro fi ro velru'e be fo le pu'u kasybi'o |
| 2000;7;27 | le nu prami joi gleki na banzu .i mi mi'ecpe loi cakla |
| 2000;8;5 | do bilga le nu zifre .i mi ri'urjai do gi'e jai gau bapli le nu do zifre cuxna |
| 2000;9;16 | le nu jmive .uanai zo'u mi na'eka'e saurbi'o .i ca ma ny. di'a fadni |
| 2000;10;18 |
sei drata ke cafne selsre
mi srera ma .i ja'ebo mi tolci'obi'o |
| 2000;11;23 | mi bavyfaucni le ka da fasnu |
| 2001;1;6 | mi djuno ju'o fi le nu gunfai .i ku'i mi dukse lazni |
| 2001;1;17 | mi na zanfrica .i ku'i se nafmupli le nu mi po'o drani jinvi |
| 2001;2;25 | da'i ganai ma'a cilre fo po'o tu'a lo zmadu be fi le ni selju'o gi lo zmadu be fi le ni selju'o na zasti |
| 2001;3;15 |
sei cirske javni remei
ni'o pe'a pamai ro purdei cu mentoljuxre terbakfu ru'u le ralci nergreku po'e tu'a loi jetnu .i ta'i le nu baljmi gi'e traji selsrerivbi cu vimcu le pe'a gacri be le srigaimro gi'e jarco tu'a le minji co tilpluja je ci'inrai ni'o remai ro djedi cu simfrica |
| 2001;3;27 | ba'o le nu lei kesfangypre cu tolcli ku ky.boi pamoi cilre le nu norju'i ro tercradi kei gi'e remoi teryrei fi lu lo'e cirla cu mo li'u .i mi'o skicu loi selcigla poi cidja le cifnu mabru ku'o .e le nu lei jurme cu galfi sy. kei .e le gu'e tcetolci'o selcitri gike seljgi klutadji be le pu'u cirlypra kei gi'e skuzau lai UENzlideil gi'e ckasu fi tu'a loi merko ke fanri cirla gi'e friti le nondi'a mupli .ibabo ky. spusku lu .i ki'e do'u mi'a cilre tu'a le selsisku li'u gi'e cliva |
| 2001;4;26 | le xagrai co nu jmive cu nondi'a .i ku'i le nu jmive cu kargu |
| 2001;6;5 | le nu jmive cu frili .i le nandu po'o cu nu terzu'e dracu'a gi'ebabo zukte |
| 2001;7;3 | mi gunka e'e fu'inaicai gi'e vimcu e'e le nadrai nabmi .imu'ibo mi lazni |
| 2001;7;18 | betri mi .i nabmi do .i selfri .iaru'e lei drata |
| 2001;11;12 | lo'e kamsivni jditadji cu jai seltcidu co xusra vecu'u loi xaurpluja ke pemci jufra le du'u lo kagni cu cinmo makau lei datni be do kei no'u la'e lu ga'i .u'ase'i .einai li'u |
| 2002;2;7 |
de'i li 2001;7
doi zoi xy. Kenny Lay .xy.
do me le panoki'oki'o selmansa tcidu be la'e lu cfubi'o ta'i le nu ticyjifsku be ki'i lo namcu li'u .i mi jinvi le du'u do selci'i la'acu'i tu'a le mi cnino cukta no'u la'e lu rivli'a pu'o le nu camfli li'u .i loi meryru'u be li revosoki'o cu cmadi'a la'e zo rivli'a lu'u noi selpau vo lo papri noi velcu'u le sa'urcai ke jdini kamprije ni'o do cajebaku ka'e terve'u la'e zo cfubi'o lu'u noi selpau xaxaxa lo papri ku'o fo loi meryru'u be li pa su'i mo'e le jdima be le nu xelmri joi gasnu ni'o je'u se'i mi'e la panz. |
| 2002;2;9 | da'i mi cilre e'e tu'a le kamtsajdi .inaja mi pensi le nu go'i |
| 2002;3;9 | mi ca'o na'e lazni .i mi pukcando tu'a le mi nu'o selmanci balselzu'e |
| 2002;3;11 | le balvi cu ctuca gi'e na tolcli ca le sarcu tcika |
| 2002;3;13 | le du'e ni terpa'a ku po'o fanta le nu mi prane randa |
| 2002;4;15 | le po'o sevzi manri be le kamstace cu stali do va'o le nu do tcica ma'i ro drata |
| 2002;4;23 | mi na djuno tu'a da poi do krici le du'u mi bebna dakau |
| 2002;6;1 |
sei ctuci'e xaurselzengau
ca le puki xlali temci do pe mu'i le nu seljibybi'o cu bilga le nu cpedu .i ri'abo lei ctuci'e cu xlali .i so'i prenu cu roljibri nalka'e .i cakiku ta'i le cabycedra pruce ro banro verba cu binxo le smuni jmive ke simbasti pagbu ni'o xu rodo vi'ormo'i |
| 2002;6;10 | paunai le nunji'e ma'i ma nandu .iji'ubo do sipna ca'o le fi'u ci si'e |
| 2002;6;13 | le ka seltolzdi cu simsa lei jdini le ka ce'u canci va'o le nu ce'u seldjimau le drata |
| 2002;6;20 | ga do prane jimpe tu'a roda ginai le ka do naldrajmi cu banzu |
| 2002;7;1 | le kamcfu .e le kamvli cu xamgu fi zu'i gi'e ku'i na finti lo zdile seltivni |
| 2002;7;31 | tu'a le xamgu jibri cu zdile .i ku'i tu'a le xamgu nalguntei cu ta'irga'i |
| 2002;8;13 |
sei zanfu'a pei doi ionai se'u
loi mi gingunma cu selkra tu'a le liryrai ji'esle pe vi le terdi gi'e seljicla pe'a bu'u lei kenri'axu'i gi'e seljukpa pe'a fi tu'a lei bacyblagu'i gi'e morsi selga'i ca'o lei so'o gigdo nanca noroi .i mu'i le nu go'i kei mi xebni le nu pelji katna |
| 2002;8;17 | le rolju'o dai noroi cilre |
| 2002;8;20 |
sei ja'o lei cevni cu minde
mi na'e slabu lei saske be le nu krici .i ku'i pe'i pa le ralju nalselju'o co mivmu'e cu du'u mu'i ma le prenu cu jinvi fi le birti nalselju'o |
| 2002;9;14 | tu'a lei vacri dertu cu rinka le melbi nunsolcanci .i ku'i e'enai cusku lo xamgu kai lo'e gubni maixra |
| 2002;12;2 | le nu jursa selfri ku po'o tadji le nu cilre .i ko pamoi cfagau |